شرح تثبيت سناب شات بلس على الايفون بدون جيلبريك

 

بدون جيلبريك على الايفون بجميع الاصدارت iOS 9.3 او iOS 9.3.1 او iOS 9.2.1 او اقل الحين تقدر تثبت اشهر ادوات الجيلبريك مثل سناب شات بلس و الواتس اب بلس بدون جيلبريك على الايفون او الايباد. وفي هذا الموضوع راح اشرح بالتفصيل طريقة تثبيت سناب شات بلس مع جميع مميزات الاداة مع تطبيق سناب شات باخر تحديث. فقط على الماك.

للي مايعرفها, سناب شات بلس هي احد اشهر الادوات في السيديا تمكنك من اضافة ميزات جديدة الى سناب شات مثلن, تتيح لك حفظ السنابات بجهازك, رفع الصور او مقاطع الفيديو المحفوظة للسناب شات, تغيير موقعك او الدولة الي انت فيها, تشوف سنابات بدون مايدري صاحب السنابات هذي وغيرها من الميزات كثيرة صراحة. الاداة معربة من ابو بس (الي هو انا) بالكامل لذلك كلشي بيكون واضح بعد التثبيت.

في هذا الموضوع بشرح طريقة تثبيت سناب شات بلس, وبالنسبة للواتس اب بلس راح تكون في موضوع منفصل ثاني وهذي الاداة راح تخليك تقدر تثبت الواتس اب على الايباد حتى بدون جيلبريك.

كيفية تثبيت سناب شات بلس بدون جيلبريك

المتطلبات:

الخطوات:

الخطوة 1: بعد تثبيت xCode وفتحه لاول مرة راح يطلب منك الرقم السري حق جهازك الماك لثتبيت بعض الادوات, بعد كذا اعمل تسجيل دخول على حسابك سواء حق المتجر الاب ستور او الاي كلاود من xCode.

 

الخطوة 2: تاكد من انك تضغط على هذا الزر Create الموجود قدام iOS Development بعد تسجيل الدخول لحسابك من xCode بعدين Done الي تحت.

الخطوة 3: بعد تسجيل الدخول اضغط على File -> New -> Project وبعدين iOS -> Application -> Single View Application واضغط Next تحت. بيطلع لك مربع في اول خانة Product Name اكتب اي شي مثلن انا حطيت rasha1 (طبعن لاتحطها مثلي لازم تغيرها حط اي كلمة غيرها), وفي الخانة الثالثة Organization اكتب com.toyopagroup, الباقي خليه مثل ماهو واضغط Next تحت بعدين Create.

 

الخطوة 4: الحين تاكد انك موصل الايفون او الايباد بالماك عبر USB, في xCode بعد ماعملت الخطوة 3, غير Deployment Target ل 7.0, واختار اسم جهازك الايفون الي شابك من فوق يسار, ومن Team اختار اسم حسابك الي عملت تسجيل دخول فيه ل xCode بعدين اضغط fix issue.

 

الخطوة 5: انسخ الموجود داخل Bundle Identifier لان بنحتاجه بعد شوي.

Screen Shot 2016-04-09 at 9.37.59 AM

الخطوة 6: فك الضغط على ملف TweakPatcher بالضفط مرتين عليه راح يطلع لك مجلد اسمه TweakPatcher-master, اسحب تطبيق السناب شات المكرك الي حملته Snapchat.ipa داخل هالمجلد TweakPatcher-master.

الخطوة 7: افتح Terminal (اضغط على زر ctrl+مسافة واكتب في البحث Terminal وبيطلع لك اول واحد).

الخطوة 8: داخل Terminal اكتب cd بعدين مسافة وبعدين اسحب مجلد TweakPatcher-master داخل مربع Terminal وبعدين اضغط انتر.

الخطوة 9: انسخ والصق هذا الكود داخل Terminal بعدين اضغط مسافة واكتب Bundle Identifier الي قلت لك انسخة في الخطوة 5, واضغط انتر.

./tweakpatcher.sh patch snapplus Snapchat.ipa

يعني مثلن انا Bundle Identifier حقي كان com.toyopagroup.rasha1 لما احطه مع الكود هذا الي فوق راح يكون بهذا الشكل

Screen Shot 2016-04-09 at 7.46.57 PM

الخطوة 10: انتظر لين ما يخلص عملية دمج اداة السناب شات بلس بالتطبيق + توقيع التطبيق وملفات dylib بحسابك حق xCode. باخر شي راح يطلع لك مثل هذا الكلام في Terminal.

Screen_Shot_2016-04-09_at_9_44_12_AM

هذا معناته ان عملية الدمج والتوقيع وتثبيت التطبيق سناب شات عالايفون نجحت, ركز معي هنا خطوة مهمة جدن, افتح شاشة القفل للايفون بعدين ادخل الاعدادات < عام < انزل تحت عند ادارة الجهاز < بتحصل ايميلك الي دخلت فيه على xCode ادخل بعدين اضغط على “وثوق”.

FullSizeRender

ارجع للشاشة الرئيسية للايفون بعدين افتح تطبيق السناب شات المكرك وخليك فاتحه لاتطلع, من Terminal على الماك اضغط على زر انتر في الكبيورد عشان يكمل تحمل ادوات المطلوبة. لما يطلع لك مثل الي في الصورة تحت على Terminal يعني كل شي تمام الحين بس اضغط زر الهوم مرتين وقفل تطبيق السناب شات المكرك وارجع افتحه اقين,

1__bash

مبروووك احلا سناب شات بلس بدون جيلبريك …